راولپنڈی ۔25جنوری(اے پی پی) پاکستان دی سکیورٹی فورسز 25 جنوری 2025 کوں خوارج دی موجودگی دی اطلاع تے ضلع خیبر دے علاقے باغ اچ خفیہ معلومات تے مبنی آپریشن کیتا تے خوارج دے سرغنہ عزیز الرحمن قاری اسماعیل تے مخلص سودھے 4 خوارج کوں جہنم وا??ل کرݙتا۔ پاک فوج دے شعبہ تعلقات عامہ (آئی ایس پی آر)توں جاری بیان موجب آپریشن دے دوران ساݙی سکیورٹی فورسز خوارج دی جاہ کوں موثر طریقے نال ولا ݙتے تے ایں آُپریشن دے نتیجے اچ خوارج دا سرغنہ عزیز الرحمان قاری اسماعیل اتے مخلص سودھے چار خوارج جہنم واصل تھئن جݙاں جو ݙو خوارج زخمی تھی ڳئن ماریے ڳئے خوارج دے قبضے توں اسلحہ اتے گولہ بارود وی برآمد تھئے، جیڑھے علاقے اچ سکیورٹی فورسز دے خلاف دہشت گردی دی ٻہوں کارروائیاں دے نال نال نشوم شہریاں دے قتل اچ وی ملوث رہیے ۔ علاقے اچ پاتے ونڄݨ آلے کہیں ٻئے خارجی دہشت گرد کوں مکاوݨ سانڳے کلیئرنس آپریشن کیتا ویند?? پئے کیوں جو پاکستانی سیکیورٹی فورسز ملک توں دہشت گردی دی لعنت مکاوݨ سانڳے پرعزم اے۔
